ચિત્ર

થઈ ગયો

ટૅગ્સ

, , , ,

શબ્દોથી સધ્ધર ને લાગણીથી કડકો થઈ ગયો,
હતો હું ય ઝાંકળ ને હવે ધોમ તડકો થઈ ગયો;
બુઝાવીને જ બેઠો હતો હજુ હૃદયની આગને,
ત્યાં તમે હળવેથી ફૂંક મારી ને ભડકો થઈ ગયો.

~ જગદીશ કરંગીયા ‘સમય’

Thai-Gayo_24-Jun-2017_Upload

ચિત્ર

હું જ છું

ટૅગ્સ

, , , ,

હું જ  ડાળી,  હું જ પર્ણ છું,
હું  જ  ધર્મ,  હું જ  વર્ણ છું;
આ જીવન-જગતની જંગમાં,
હું જ અર્જુન,  હું જ કર્ણ છું.

~ જગદીશ કરંગીયા ‘સમય’

Hu-J-Chhu_17-Jun-2017_Upload.jpg

ચિત્ર

કોને ફરિયાદ કરવી?

ટૅગ્સ

, , , ,

દાંત જ જીભને બટકા ભર્યા કરે ત્યાં કોને ફરિયાદ કરવી?
કાંટા જ ગુલાબને ડંખ્યા કરે ત્યાં કોને ફરિયાદ કરવી?
‘જગદીશ’ બાંધી હતી અમે વાડ ખુદ અમારા આ હાથેથી,
એ વાડ જ ચીભડાં ગળ્યા કરે ત્યાં કોને ફરિયાદ કરવી?

~ જગદીશ કરંગીયા ‘સમય’

Kone-Fariyad-Karvi_14-Jun-2017_Upload

ચિત્ર

છો તમે

ટૅગ્સ

, , , ,

સદાય અમીદ્રષ્ટિથી જોવાયા છો તમે,
બંધ બારણે રાતભર રોવાયા છો તમે;
ભુલા પડ્યાં હોત તો શોધી કાઢત તમને,
લાગે છે કે જાણી જોઈને ખોવાયા છો તમે.

~ જગદીશ કરંગીયા ‘સમય’

Chho-Tame_12-Jun-2017_Upload.jpg

ચિત્ર

તું જ છે

ટૅગ્સ

, , , ,

તું  જ  કાગ,   તું  જ  હંસ  છે,
તું જ  સર્જન,  તુ જ  ધ્વંસ છે;
આ મૃત્યુલોકની મથુરાનગરીમાં,
તું  જ  કૃષ્ણ,  તું  જ  કંસ  છે.

~ જગદીશ કરંગીયા ‘સમય’Tu-J-Chhe_10-Jun-2017_Upload

ચિત્ર

મળશે જ ને

ટૅગ્સ

, ,

ભલેને, આજે નહીં તો કાલે જીત મળશે જ ને,
આ હારમાંથીય કાંઈક અનુભવ તો મળશે જ ને;
‘જગદીશ’ તું ગણ તો ખરી જિંદગીના દાખલાને,
પૂરા નહીં તોયે, સ્ટેપ્સના માર્કસ તો મળશે જ ને.

~ જગદીશ કરંગીયા ‘સમય’

Madshe-J-Ne_08-Jun-2017_Upload

ચિત્ર

છે કૈં ખબર?

ટૅગ્સ

, ,

તમારા વિરહ પછી જીવનમાં બાકી શું રહ્યું? છે કૈં ખબર?
સદાય હસતી રહેતી આ આંખોથી શું વહ્યું? છે કૈં ખબર?
‘જગદીશ’ તમારી આપવીતી તો તમે શબ્દો દ્વારા વર્ણવી,
કિન્તુ અમે જુદાઈમાં એકલેએકલું શું સહ્યું? છે કૈં ખબર?

~ જગદીશ કરંગીયા ‘સમય’

Chhe-Kain-Khabar_03-Jun-2017_Upload

ચિત્ર

આદત છે મને

ટૅગ્સ

સંબંધો સાચવવા સાંભળી લેવાની આદત છે મને,
સારા હોય કે નરસાં નિભાવી લેવાની આદત છે મને;
ના મળ્યા એમનો વસવસો તો રહેવાનો જિંદગીભર,
મળેલાને પાંપણો પર સજાવી લેવાની આદત છે મને.

~ જગદીશ કરંગીયા ‘સમય’Aadat-Chhe-Mane_28-May-2017_Upload.jpg

ચિત્ર

ભ્રષ્ટાચાર

ટૅગ્સ

એક સાંધો ત્યાં તેર તૂટે,
લોટ લાવો ત્યાં તેલ ખૂટે;
ગરીબી તો મુખોટું છે મિત્રો,
ભારતને માત્ર ભ્રષ્ટાચાર લૂંટે.

~ જગદીશ કરંગીયા ‘સમય’Bhrashtachar_20-May-2017_Upload

ચિત્ર

નહીં ફાવે

ટૅગ્સ

વિરહની વસમીવેળાએ આ આંખેથી અશ્રુ વહેવડાવવું નહીં ફાવે,
રોમિયો, મજનું, રાંઝાની જેમ દર્દ-એ-દિલ સહેવડાવવું નહીં ફાવે.

તમે કહેશો તો જીવનભર હૃદયના ખૂણામાં એકલા પડ્યા રહીશું,
કિંતુ આ બીજા કોઈક સાથે દિલ વહેંચીને રહેવડાવવું નહીં ફાવે.

પ્રેમ જેવું જો કંઈક હશે તો આપમેળે એકબીજાના નામ લઈશું,
આમ વારે ઘડીએ યાદો અપાવી ધ્યાનમાં લહેવડાવવું નહીં ફાવે.

કોઈકાળે અશક્ય બન્યું આપણું મિલન તો ‘સમય’નો વાંક કહીશું,
પરંતુ આ તમારા ટાબરીયાના મોઢેથી મામા કહેવડાવવું નહીં ફાવે.

~ જગદીશ કરંગીયા ‘સમય’

Nahi-Fave_14-May-2017_Upload.jpg